Ipoklorit tas-sodju
L-ipoklorit tas-sodju jintuża fil-prodotti tal-kura tad-dar tagħna minħabba li huwa diżinfettant qawwi u jaħdem malajr u b’hekk jiġġieled firxa wiesgħa ta’ mikroorganiżmi, inklużi l-batterji u l-viruses.
L-ipoklorit tas-sodju huwa l-ingredjent attiv fil-biċċa l-kbira tal-bliċ domestiku. Jiġġieled il-mikrobi anki f'konċentrazzjonijiet baxxi ħafna u huwa eċċellenti biex ineħħi t-tbajja' u l-irwejjaħ mhux pjaċevoli. Bosta studji xjentifiċi wrew li huwa sikur meta jintuża kif ikun indikat fit-tikketta tal-prodott. U peress li l-bliċ jiddiżintegra kważi għal kollox f’melħ u ilma jista’ jintrema b’mod sikur fid-drenaġġ.
Il-mistoqsijiet tiegħek imwieġba
Għaliex Unilever tuża l-ipoklorit tas-sodju?
Aħna nużaw l-ipoklorit tas-sodju minħabba li huwa mod effettiv ħafna biex tinqered firxa wiesgħa ta’ mikroorganiżmi ta' ħsara, bħall-batterji, il-viruses u l-fungi. Huwa jaħdem anke f'konċentrazzjonijiet baxxi ħafna – għalhekk huwa komunement użat biex jippurifika l-ilma tax-xorb u jżomm il-pixxini iġeniċi.
L-ipoklorit tas-sodju huwa sikur?
Iva, meta jintuża kif indikat fit-tikketta tal-prodott. Jekk jintuża ħażin, l-ipoklorit tas-sodju jista’ jikkawża irritazzjoni fil-ġilda u fl-għajnejn, partikolarment meta ma jkunx dilwit. Għalhekk huwa importanti li taħżen u tuża l-prodotti tal-bliċ bir-reqqa, tevita kuntatt mal-ġilda u toqgħod attent li t-titjir ma jolqtokx f'għajnejk – kif hemm spjegat fit-tikketti tal-prodotti. Huwa wkoll importanti li ma tħallatx il-bliċ mal-ammonja, l-aċidi, jew prodotti oħra tat-tindif. It-taħlit tal-bliċ ma’ prodotti tat-tindif komuni jista' jikkawża korrimenti serji.
L-ipoklorit tas-sodju huwa sikur għall-ambjent?
Ladarba jintuża, l-ipoklorit tas-sodju jiddiżintegra malajr, u jifforma melħ u ilma. Diversi studji xjentifiċi ddettaljati juru li l-użu domestiku normali tal-ipoklorit tas-sodju huwa sikur għall-ambjent.
Liema prodotti ta’ Unilever fihom l-ipoklorit tas-sodju?
Uħud mid-diżinfettanti domestiċi tagħna, bħal Domestos, fihom l-ipoklorit tas-sodju.